bhul jaun tujhe aisi koi tadbir nahin

bhuul jā.ūñ tujhe aisī koī tadbīr nahīñ

aur pā luuñ tujhe aisī mirī taqdīr nahīñ

sun to letī hai mire ġham kā fasāna mujh se

shukr hai terī tarah se tirī tasvīr nahīñ

yā to ab terā tasavvur bhī ḳhafā hai mujh se

yā mirī aah meñ vo pahlī sī tāsīr nahīñ

dil-shikan ḳhat pe bhī dil chaah rahā hai ai dost

jhuuT hī koī kahe ye tirī tahrīr nahīñ

us ke kūche ko maiñ chāhūñ bhī to chhoḌe na bane

aur kahne ko mire paañv meñ zanjīr nahīñ

kārvāñ ziist kā luT kar sar-e-manzil pahuñche

ye mire ḳhvāb kī taz.hīk hai ta.abīr nahīñ

soz ulfat kā nigāhoñ se ayaañ hotā hai

ye fasāna kabhī minnat-kash-e-tafsīr nahīñ

dil ko miltī hai usī tīr-e-nazar se rāhat

jis se zahrīlā zamāne meñ koī tiir nahīñ

ai 'zafar' hāsil-e-ulfat haiñ ye mere aañsū

ye alag baat ki in tāroñ meñ tanvīr nahīñ

bhul jaun tujhe aisi koi tadbir nahin

aur pa lun tujhe aisi meri taqdir nahin

sun to leti hai mere gham ka fasana mujh se

shukr hai teri tarah se teri taswir nahin

ya to ab tera tasawwur bhi KHafa hai mujh se

ya meri aah mein wo pahli si tasir nahin

dil-shikan KHat pe bhi dil chah raha hai ai dost

jhuT hi koi kahe ye teri tahrir nahin

us ke kuche ko main chahun bhi to chhoDe na bane

aur kahne ko mere panw mein zanjir nahin

karwan zist ka luT kar sar-e-manzil pahunche

ye mere KHwab ki tazhik hai tabir nahin

soz ulfat ka nigahon se ayan hota hai

ye fasana kabhi minnat-kash-e-tafsir nahin

dil ko milti hai usi tir-e-nazar se rahat

jis se zahrila zamane mein koi tir nahin

ai 'zafar' hasil-e-ulfat hain ye mere aansu

ye alag baat ki in taron mein tanwir nahin