bhuli hui rahon ka safar kaisa lagega
bhūlī huī rāhoñ kā safar kaisā lagegā
ab lauT ke jā.eñge to ghar kaisā lagegā
hañgāma-e-hastī se nimaT kar jo chaleñge
vo niiñd kā ḳhāmosh nagar kaisā lagegā
us ne to bulāyā hai magar soch rahā huuñ
mahfil meñ koī ḳhāk-basar kaisā lagegā
andhe haiñ jo duniyā kī chakā-chauñd se un ko
sūraj kā savā neze pe sar kaisā lagegā
jis roz ki ḳhvāboñ meñ koī shakl na hogī
be-chehragī-e-ḳhvāb se Dar kaisā lagegā
bhuli hui rahon ka safar kaisa lagega
ab lauT ke jaenge to ghar kaisa lagega
hangama-e-hasti se nimaT kar jo chalenge
wo nind ka KHamosh nagar kaisa lagega
us ne to bulaya hai magar soch raha hun
mahfil mein koi KHak-basar kaisa lagega
andhe hain jo duniya ki chaka-chaund se un ko
suraj ka sawa neze pe sar kaisa lagega
jis roz ki KHwabon mein koi shakl na hogi
be-chehragi-e-KHwab se Dar kaisa lagega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
