bichhaD kar dur jaana paD gaya nan

bichhaḌ kar duur jaanā paḌ gayā naañ

tumheñ mujh ko bhulānā paḌ gayā naañ

mujhī se tum chhupāte the sabhī kuchh

mujhī ko ġham sunānā paḌ gayā naañ

mujhe smog achchhā lag rahā hai

ki us ko paas aanā paḌ gayā naañ

kahānī meñ parī marne lagī hai

nayā kirdār laanā paḌ gayā naañ

sañvar ke kyā karūñ maiñ jab kisī ko

mire ḳhvāboñ meñ aanā paḌ gayā naañ

bachāyā thā magar āḳhir kahāñ tak

mujhe ye dil lagānā paḌ gayā naañ

maiñ kitnī thī akelī chhoḌ do jab

mujhe ḳhud se batānā paḌ gayā naañ

kahā bhī thā bichhaḌ jaanā ḳhushī se

nayā ik shāḳhsāna paḌ gayā naañ

suḳhan par 'tājvar' jo nukta-chīñ the

unheñ bhī muskurānā paḌ gayā naañ

bichhaD kar dur jaana paD gaya nan

tumhein mujh ko bhulana paD gaya nan

mujhi se tum chhupate the sabhi kuchh

mujhi ko gham sunana paD gaya nan

mujhe smog achchha lag raha hai

ki us ko pas aana paD gaya nan

kahani mein pari marne lagi hai

naya kirdar lana paD gaya nan

sanwar ke kya karun main jab kisi ko

mere KHwabon mein aana paD gaya nan

bachaya tha magar aaKHir kahan tak

mujhe ye dil lagana paD gaya nan

main kitni thi akeli chhoD do jab

mujhe KHud se batana paD gaya nan

kaha bhi tha bichhaD jaana KHushi se

naya ek shaKHsana paD gaya nan

suKHan par 'tajwar' jo nukta-chin the

unhen bhi muskurana paD gaya nan