bichhaD ke tum se jo fasl-e-bahaar guzri hai

bichhaḌ ke tum se jo fasl-e-bahār guzrī hai

hamāre dil ko baḌī nāgavār guzrī hai

ye zindagī jo guzārī hai ham ne tere baġhair

yaqīn jaan bahut be-qarār guzrī hai

tumhārī yādoñ ke motī sameTe baiThā thā

tamām raat mirī ashk-bār guzrī hai

tumhārā zikr kiyā ham ne apnī ġhazloñ meñ

ye baat sab ko baḌī nāgavār guzrī hai

sazā ye ham ko milī tum se dil lagāne kī

tum aa.e ho na shab-e-intizār guzrī hai

'salīm' ham ne jise sirf apnā samjhā thā

vo zindagī baḌī be-e'tibār guzrī hai

bichhaD ke tum se jo fasl-e-bahaar guzri hai

hamare dil ko baDi nagawar guzri hai

ye zindagi jo guzari hai hum ne tere baghair

yaqin jaan bahut be-qarar guzri hai

tumhaari yaadon ke moti sameTe baiTha tha

tamam raat meri ashk-bar guzri hai

tumhaara zikr kiya hum ne apni ghazlon mein

ye baat sab ko baDi nagawar guzri hai

saza ye hum ko mili tum se dil lagane ki

tum aae ho na shab-e-intizar guzri hai

'salim' hum ne jise sirf apna samjha tha

wo zindagi baDi be-e'tibar guzri hai