bichhaD ke us se jo nikle to be-nawa the bahut

bichhaḌ ke us se jo nikle to be-navā the bahut

vo lā-sharīk na bhī ho sharīk-e-lā the bahut

huā na kuchh bhī jo ham se mufāhamat to huī

ham apne aap se ab tak ḳhafā-ḳhafā the bahut

fazā hai sust ġham-e-marg ham-ḳhayālāñ saḳht

hujūm-e-shahr meñ hone ko ham-navā the bahut

kahīñ jo sach kī kiran thī to aa.ine meñ thī

magar vo ḳhauf ki chehre havā havā the bahut

gumāñ ġhalat thā ki jo shaḳhs bhī hai ham sā hai

vo ham hī the ki har ik shaḳhs se judā the bahut

ye kis ḳhatā pe milī be-qiyāmiyoñ kī sazā

ki pā-shikasta sazā-yāb be-ḳhatā the bahut

kahāñ gayā ki vo rakhtā hai jān-o-dil se 'azīz

ye ik muġhālta ham jis meñ mubtalā the bahut

bichhaD ke us se jo nikle to be-nawa the bahut

wo la-sharik na bhi ho sharik-e-la the bahut

hua na kuchh bhi jo hum se mufahamat to hui

hum apne aap se ab tak KHafa-KHafa the bahut

faza hai sust gham-e-marg ham-KHayalan saKHt

hujum-e-shahr mein hone ko ham-nawa the bahut

kahin jo sach ki kiran thi to aaine mein thi

magar wo KHauf ki chehre hawa hawa the bahut

guman ghalat tha ki jo shaKHs bhi hai hum sa hai

wo hum hi the ki har ek shaKHs se juda the bahut

ye kis KHata pe mili be-qiyamiyon ki saza

ki pa-shikasta saza-yab be-KHata the bahut

kahan gaya ki wo rakhta hai jaan-o-dil se 'aziz

ye ek mughaalta hum jis mein mubtala the bahut