bichhaDte TuTte rishton ko humne dekha tha

bichhaḌte TūTte rishtoñ ko ham ne dekhā thā

ye vaqt ham pe bhī guzregā ye na sochā thā

namī thī palkoñ pe bhīgā huā sā takiya thā

pata chalā ki koī ḳhvāb ham ne dekhā thā

hamāre zehn meñ ab tak usī kī hai ḳhushbū

tumhāre sehn meñ bele kā ek paudā thā

khurach ke pheñk duuñ kis tarah daaġh yādoñ ke

maiñ bhuul jaatā vo sab kuchh to kitnā achchhā thā

hamāre haal ko dekho nigāh-e-ibrat se

ye baat ham se na pūchho ki kaun kaisā thā

janāb-e-ḳhizr kahāñ aap mujh ko chhoḌeñge

jo saath chhoḌ gayā vo bhī aap jaisā thā

milegā kyuuñ kisī dushman kī āstīñ pe lahū

tumhārā 'shams' nigāh-e-karam kā maarā thā

bichhaDte TuTte rishton ko hum ne dekha tha

ye waqt hum pe bhi guzrega ye na socha tha

nami thi palkon pe bhiga hua sa takiya tha

pata chala ki koi KHwab hum ne dekha tha

hamare zehn mein ab tak usi ki hai KHushbu

tumhaare sehn mein bele ka ek pauda tha

khurach ke phenk dun kis tarah dagh yaadon ke

main bhul jata wo sab kuchh to kitna achchha tha

hamare haal ko dekho nigah-e-ibrat se

ye baat hum se na puchho ki kaun kaisa tha

janab-e-KHizr kahan aap mujh ko chhoDenge

jo sath chhoD gaya wo bhi aap jaisa tha

milega kyun kisi dushman ki aastin pe lahu

tumhaara 'shams' nigah-e-karam ka mara tha