bichhaDte waqt to kuchh us mein gham-gusari thi
bichhaḌte vaqt to kuchh us meñ ġham-gusārī thī
vo aañkh phir to har ik kaifiyat se aarī thī
na jaane aaj havāoñ kī zad pe kaun aayā
na jaane aaj kī shab kis diye kī baarī thī
zarā sī der ko chamkī to thī ġhanīm kī teġh
savād-e-shahr meñ phir raushnī hamārī thī
safar se lauTe to jaise yaqīñ nahīñ aatā
ki saarī umr isī shahr meñ guzārī thī
harīf teġh se meñ apnī āgahī se laḌā
ye adl vaqt kare kis kī zarb kaarī thī
diloñ ke khel bhī kaise ajiib khel haiñ 'shauq'
ki maiñ udaas thā baazī kisī ne haarī thī
bichhaDte waqt to kuchh us mein gham-gusari thi
wo aankh phir to har ek kaifiyat se aari thi
na jaane aaj hawaon ki zad pe kaun aaya
na jaane aaj ki shab kis diye ki bari thi
zara si der ko chamki to thi ghanim ki tegh
sawad-e-shahr mein phir raushni hamari thi
safar se lauTe to jaise yaqin nahin aata
ki sari umr isi shahr mein guzari thi
harif tegh se mein apni aagahi se laDa
ye adl waqt kare kis ki zarb kari thi
dilon ke khel bhi kaise ajib khel hain 'shauq'
ki main udas tha bazi kisi ne haari thi
- Book : Monthly Usloob (Pg. 510)
- Author : Mushfiq Khawaja
- Publication : Usloob 3D 9—26 Nazimabad karachi 180007 (Oct. õ Nov. 1983,Issue No. 5-6)
- Edition : Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
