bimar-e-mohabbat hun dawa kyon nahin dete

bīmār-e-mohabbat huuñ davā kyoñ nahīñ dete

tum apnī vafāoñ kā sila kyoñ nahīñ dete

maiñ qatra-e-gauhar huuñ to dariyāoñ meñ Daalo

ātish huuñ agar maiñ to bujhā kyoñ nahīñ dete

jab kahte ho tum phuul ho to phir mujhe jānāñ

tum apne baġhīche meñ khilā kyoñ nahīñ dete

maiñ hī to huuñ vo shai jo tajassus kā hai baa.is

tum mujh ko ḳhayāloñ se bhulā kyoñ nahīñ dete

be-dam kiye jaatā huuñ maiñ ye jurm-e-mohabbat

munsif bane phirte ho sazā kyoñ nahīñ dete

ye parda hī hai bā.is-e-hijrāñ dil-e-'kāvish'

ye parda nasheman se haTā kyoñ nahīñ dete

bimar-e-mohabbat hun dawa kyon nahin dete

tum apni wafaon ka sila kyon nahin dete

main qatra-e-gauhar hun to dariyaon mein Dalo

aatish hun agar main to bujha kyon nahin dete

jab kahte ho tum phul ho to phir mujhe jaanan

tum apne baghiche mein khila kyon nahin dete

main hi to hun wo shai jo tajassus ka hai bais

tum mujh ko KHayalon se bhula kyon nahin dete

be-dam kiye jata hun main ye jurm-e-mohabbat

munsif bane phirte ho saza kyon nahin dete

ye parda hi hai bais-e-hijran dil-e-'kawish'

ye parda nasheman se haTa kyon nahin dete