bimar-e-mohabbat ki dawa aur hi kuchh hai

bīmār-e-mohabbat kī davā aur hī kuchh hai

kuchh aur hī samjhe the huā aur hī kuchh hai

'āzād' kī tahrīr kā andāz alag hai

'iqbāl' ke naġhmoñ kī navā aur hī kuchh hai

is ahd meñ har-samt hai ik ālam-e-mahshar

hai dil meñ jo ik hashr bapā aur hī kuchh hai

be-sūd qafas meñ hai har āsā.ish-e-duniyā

parvāz ko āzād fazā aur hī kuchh hai

jazbāt meñ iḳhlās se baḌh kar nahīñ kuchh bhī

be-laus mohabbat kā mazā aur hī kuchh hai

fan-pāre meñ hai pās-e-rivāyat bhī zarūrī

tahrīr kā uslūb nayā aur hī kuchh hai

hai karb kā ehsās jo jiine nahīñ detā

nā-karda gunāhī kī sazā aur hī kuchh hai

zāhid kī riyā-kār ibādat se hai afzal

allāh ke bandoñ kā bhalā aur hī kuchh hai

sīrat meñ hai jo husn vo sūrat meñ nahīñ hai

pākīzgī-o-sharm-o-hayā aur hī kuchh hai

be-maut bhī marne pe vo kar detā hai majbūr

nazroñ meñ hai jo tez qazā aur hī kuchh hai

mahdūd hai shāhoñ kī gadāoñ pe navāzish

bandoñ pe ye in.ām-e-ḳhudā aur hī kuchh hai

yuuñ to haiñ mashāhīr-e-suḳhan shohra-e-āfāq

'barqī' kī alag tarz-e-adā aur hī kuchh hai

bimar-e-mohabbat ki dawa aur hi kuchh hai

kuchh aur hi samjhe the hua aur hi kuchh hai

'azad' ki tahrir ka andaz alag hai

'iqbaal' ke naghmon ki nawa aur hi kuchh hai

is ahd mein har-samt hai ek aalam-e-mahshar

hai dil mein jo ek hashr bapa aur hi kuchh hai

be-sud qafas mein hai har aasaish-e-duniya

parwaz ko aazad faza aur hi kuchh hai

jazbaat mein iKHlas se baDh kar nahin kuchh bhi

be-laus mohabbat ka maza aur hi kuchh hai

fan-pare mein hai pas-e-riwayat bhi zaruri

tahrir ka uslub naya aur hi kuchh hai

hai karb ka ehsas jo jine nahin deta

na-karda gunahi ki saza aur hi kuchh hai

zahid ki riya-kar ibaadat se hai afzal

allah ke bandon ka bhala aur hi kuchh hai

sirat mein hai jo husn wo surat mein nahin hai

pakizgi-o-sharm-o-haya aur hi kuchh hai

be-maut bhi marne pe wo kar deta hai majbur

nazron mein hai jo tez qaza aur hi kuchh hai

mahdud hai shahon ki gadaon pe nawazish

bandon pe ye inam-e-KHuda aur hi kuchh hai

yun to hain mashahir-e-suKHan shohra-e-afaq

'barqi' ki alag tarz-e-ada aur hi kuchh hai