bite hue lamhon ke jo girwida rahe hain
bite hue lamhon ke jo girwida rahe hain
Hasan Najmi Sikandarpuri
MORE BYHasan Najmi Sikandarpuri
biite hue lamhoñ ke jo girvīda rahe haiñ
hālāt ke hāthoñ vahī ranjīda rahe haiñ
in jalvoñ se ma.amūr hai duniyā mire dil kī
ā.īnoñ kī bastī meñ jo nādīda rahe haiñ
rindadan-e-balā-nosh kā aalam hai nirālā
saaqī kī ināyat pe bhī nam-dīda rahe haiñ
barsoñ ġham-e-hālāt kī dahlīz pe kuchh log
gul kar ke diye zehnoñ ke ḳhvābīda rahe haiñ
har daur meñ insān ne jiitī hai ye baazī
har daur meñ kuchh mas.ale pechīda rahe haiñ
insān kī sūrat meñ ka.ī rañg ke patthar
ham siine pe rakkhe hue ḳhvābīda rahe haiñ
mujrim kī safoñ meñ haiñ vo mazlūm bhī jin se
'najmī' ne jo kuchh pūchhā to sanjīda rahe haiñ
bite hue lamhon ke jo girwida rahe hain
haalat ke hathon wahi ranjida rahe hain
in jalwon se mamur hai duniya mere dil ki
aainon ki basti mein jo nadida rahe hain
rindadan-e-bala-nosh ka aalam hai nirala
saqi ki inayat pe bhi nam-dida rahe hain
barson gham-e-haalat ki dahliz pe kuchh log
gul kar ke diye zehnon ke KHwabida rahe hain
har daur mein insan ne jiti hai ye bazi
har daur mein kuchh masale pechida rahe hain
insan ki surat mein kai rang ke patthar
hum sine pe rakkhe hue KHwabida rahe hain
mujrim ki safon mein hain wo mazlum bhi jin se
'najmi' ne jo kuchh puchha to sanjida rahe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
