biti ruton ka album le kar baiTh gae

biitī rutoñ kā album le kar baiTh ga.e

ham āñdhī meñ resham le kar baiTh ga.e

dil kī bāteñ duniyā ko samjhāoge

tum bhī dhuup meñ shabnam le kar baiTh ga.e

tanhā.ī kī pyaas ne jab bechain kiyā

ham yādoñ kā zamzam le kar baiTh ga.e

ham bhī kyā nādān the dil bahlāne ko

ek fasāna mub.ham le kar baiTh ga.e

har chehre par zardī chhā.ī rahtī hai

āñkhoñ ko ye mausam le kar baiTh ga.e

biti ruton ka album le kar baiTh gae

hum aandhi mein resham le kar baiTh gae

dil ki baaten duniya ko samjhaoge

tum bhi dhup mein shabnam le kar baiTh gae

tanhai ki pyas ne jab bechain kiya

hum yaadon ka zamzam le kar baiTh gae

hum bhi kya nadan the dil bahlane ko

ek fasana mubham le kar baiTh gae

har chehre par zardi chhai rahti hai

aankhon ko ye mausam le kar baiTh gae