bikhar jaegi sham aahista bolo

bikhar jā.egī shaam āhista bolo

taḌak jā.eñge jaam āhista bolo

na do dāġhoñ ke bhed aahoñ ko roko

na lo nāloñ kā naam āhista bolo

na le tanhā.ī kī rātoñ meñ ik din

ḳhamoshī intiqām āhista bolo

yahī hote haiñ ādāb-e-mohabbat

ki jab lo us kā naam āhista bolo

na jaane kaun baiThā ho kamīñ meñ

añdherī hai ye shaam āhista bolo

fuġhān-e-dil se kis kā dil pasījā

ye hai saudā-e-ḳhām āhista bolo

abhī to raah meñ dīvār-o-dar haiñ

abhī do chaar gaam āhista bolo

bahut hai sadma-e-yak-āh us ko

hai nāzuk ye nizām āhista bolo

abhī to bāda-e-ulfat kā 'haqqī'

piyā hai ek jaam āhista bolo

bikhar jaegi sham aahista bolo

taDak jaenge jam aahista bolo

na do daghon ke bhed aahon ko roko

na lo nalon ka nam aahista bolo

na le tanhai ki raaton mein ek din

KHamoshi intiqam aahista bolo

yahi hote hain aadab-e-mohabbat

ki jab lo us ka nam aahista bolo

na jaane kaun baiTha ho kamin mein

andheri hai ye sham aahista bolo

fughan-e-dil se kis ka dil pasija

ye hai sauda-e-KHam aahista bolo

abhi to rah mein diwar-o-dar hain

abhi do chaar gam aahista bolo

bahut hai sadma-e-yak-ah us ko

hai nazuk ye nizam aahista bolo

abhi to baada-e-ulfat ka 'haqqi'

piya hai ek jam aahista bolo