bikhra paDa tha ja-ba-ja kachra wajud ka

bikhrā paḌā thā jā-ba-jā kachrā vajūd kā

ham chhoḌ aa.e us galī malba vajūd kā

har roz maañg maañg ke letā huuñ saañs bhī

baḌhtā hī jā rahā hai ye qarza vajūd kā

kitnī shikast-o-reḳht huī kuchh nahīñ patā

mujh ko milā nahīñ abhī qabza vajūd kā

taaza havā na raushnī nā bām-o-dar na chhat

mujh ko samajh na aa sakā naqsha vajūd kā

ik umr ho ga.ī use ḳhālī paḌe hue

bigḌā huā hai is liye huliya vajūd kā

kuchh kaḌve ghūñT chāhiyeñ har raat us ko ab

yuuñ aur baḌh gayā hai ye ḳharcha vajūd kā

mere sabab ye ḳhāl-o-ḳhad us ke bigaḌ ga.e

suntā huuñ sub.h shaam ye ta.ana vajūd kā

tum hī batāo kaise chalā us kā silsila

mujh ko to mil sakā nahīñ shajara vajūd kā

ik sher-fahm shaḳhs kī ḳhvāhish pe dosto

lo ham ne likh diyā hai ye nauha vajūd kā

juuñ juuñ maiñ sochtā huuñ taḳhayyul meñ us kā lams

kuchh aur baḌhtā jaatā hai nashsha vajūd kā

merī to ek baat bhī suntā nahīñ ye dil

hāthoñ meñ ab nahīñ rahā bachcha vajūd kā

'dānish' maiñ tang aa gayā is bad-mizāj se

sañbhle nahīñ sañbhaltā hai ġhussa vajūd kā

bikhra paDa tha ja-ba-ja kachra wajud ka

hum chhoD aae us gali malba wajud ka

har roz mang mang ke leta hun sans bhi

baDhta hi ja raha hai ye qarza wajud ka

kitni shikast-o-reKHt hui kuchh nahin pata

mujh ko mila nahin abhi qabza wajud ka

taza hawa na raushni na baam-o-dar na chhat

mujh ko samajh na aa saka naqsha wajud ka

ek umr ho gai use KHali paDe hue

bigDa hua hai is liye huliya wajud ka

kuchh kaDwe ghunT chahiyen har raat us ko ab

yun aur baDh gaya hai ye KHarcha wajud ka

mere sabab ye KHal-o-KHad us ke bigaD gae

sunta hun subh sham ye tana wajud ka

tum hi batao kaise chala us ka silsila

mujh ko to mil saka nahin shajara wajud ka

ek sher-fahm shaKHs ki KHwahish pe dosto

lo hum ne likh diya hai ye nauha wajud ka

jun jun main sochta hun taKHayyul mein us ka lams

kuchh aur baDhta jata hai nashsha wajud ka

meri to ek baat bhi sunta nahin ye dil

hathon mein ab nahin raha bachcha wajud ka

'danish' main tang aa gaya is bad-mizaj se

sanbhle nahin sanbhalta hai ghussa wajud ka