bikhri thi har samt jawani raat ghaneri hone tak

bikhrī thī har samt javānī raat ghanerī hone tak

lekin maiñ ne dil kī na maanī raat ghanerī hone tak

dard kā dariyā baḌhte baḌhte siine tak aa pahuñchā hai

aur chaḌhegā thoḌā paanī raat ghanerī hone tak

aag pe chalnā qismat meñ hai barf pe ruknā majbūrī

kaun sunegā apnī kahānī raat ghanerī hone tak

us ke binā ye gulshan bhī ab sahrā jaisā lagtā hai

lagtā hai sab kuchh be-ma.anī raat ghanerī hone tak

ḳhūn-e-jigar se ham ko charāġhāñ karnā hai so karte haiñ

apnī hai ye riit purānī raat ghanerī hone tak

jin hoñToñ ne pyāse rah kar ham ko apne jaam diye

yaad karo un kī qurbānī raat ghanerī hone tak

dil meñ apne zaḳhm-e-tamannā āñkhoñ meñ kuchh ḳhvāb liye

barsoñ ham ne ḳhaak hai chhānī raat ghanerī hone tak

bikhri thi har samt jawani raat ghaneri hone tak

lekin main ne dil ki na mani raat ghaneri hone tak

dard ka dariya baDhte baDhte sine tak aa pahuncha hai

aur chaDhega thoDa pani raat ghaneri hone tak

aag pe chalna qismat mein hai barf pe rukna majburi

kaun sunega apni kahani raat ghaneri hone tak

us ke bina ye gulshan bhi ab sahra jaisa lagta hai

lagta hai sab kuchh be-mani raat ghaneri hone tak

KHun-e-jigar se hum ko charaghan karna hai so karte hain

apni hai ye rit purani raat ghaneri hone tak

jin honTon ne pyase rah kar hum ko apne jam diye

yaad karo un ki qurbani raat ghaneri hone tak

dil mein apne zaKHm-e-tamanna aankhon mein kuchh KHwab liye

barson hum ne KHak hai chhani raat ghaneri hone tak