bil-yaqin paikar-e-shabab hai wo

bil-yaqīñ paikar-e-shabāb hai vo

jis kī nazroñ kā intiḳhāb hai vo

ek ḳhākī huuñ maiñ to gard-ālūd

mere chehre kī āb-o-tāb hai vo

aag sī dhuup meñ huuñ mahv-e-safar

chhāñv ban kar jo ham-rikāb hai vo

maiñ jo mahdūd huuñ talātum tak

mere idrāk meñ habāb hai vo

phir bhī lāzim mutāla merā

yuuñ to ik baab huuñ kitāb hai vo

us kī jānib sabhī rujūa kareñ

kul savālāt kā javāb hai vo

jis kī ta.abīr hai usī ke paas

merī hastī kā aisā ḳhvāb hai vo

is kī tasdīq āsmān kare

reg-zāroñ kā kyā sahāb hai vo

jis kī bū-bās har badan meñ hai

gulshan-e-zīst kā gulāb hai vo

ye tumhārī nazar kā dhokā hai

ek sahrā huuñ maiñ sarāb hai vo

ashk se ho ki ḳhuun se nisbat

ek ik buuñd kā hisāb hai vo

us kā koī to ho subūt 'figār'

kaun mānegā inqalāb hai vo

bil-yaqin paikar-e-shabab hai wo

jis ki nazron ka intiKHab hai wo

ek KHaki hun main to gard-alud

mere chehre ki aab-o-tab hai wo

aag si dhup mein hun mahw-e-safar

chhanw ban kar jo ham-rikab hai wo

main jo mahdud hun talatum tak

mere idrak mein habab hai wo

phir bhi lazim mutala mera

yun to ek bab hun kitab hai wo

us ki jaanib sabhi rujua karen

kul sawalat ka jawab hai wo

jis ki tabir hai usi ke pas

meri hasti ka aisa KHwab hai wo

is ki tasdiq aasman kare

reg-zaron ka kya sahab hai wo

jis ki bu-bas har badan mein hai

gulshan-e-zist ka gulab hai wo

ye tumhaari nazar ka dhoka hai

ek sahra hun main sarab hai wo

ashk se ho ki KHun se nisbat

ek ek bund ka hisab hai wo

us ka koi to ho subut 'figar'

kaun manega inqalab hai wo