bin tere dil ke nagar ko main basaun kaise

bin tire dil ke nagar ko maiñ basā.ūñ kaise

tujh ko dul.han maiñ banā.ūñ to banā.ūñ kaise

zindagī mujh ko mirī qabr pe le aa.ī hai

aanā chāhūñ maiñ tire paas to aa.uuñ kaise

bevafā.ī kī sifat us kī nahīñ jaatī hai

apne dil kā use ham-rāz banā.ūñ kaise

ai ḳhudā tū ne mire 'aib chhupā rakkhe haiñ

ai ḳhudā maiñ tirā ehsān chukā.ūñ kaise

vo to patthar hai use kuchh na samajh aa.egī

dāstāñ us ko sunā.ūñ to sunā.ūñ kaise

jab mirā rab hī 'atā kartā hai mujh ko sab kuchh

ġhair ke dar pe jabīñ apnī jhukā.ūñ kaise

saath rahtā nahīñ 'minhāj' hamesha vo bhī

mujh se rūThā hai mirā 'aks manā.ūñ kaise

bin tere dil ke nagar ko main basaun kaise

tujh ko dulhan main banaun to banaun kaise

zindagi mujh ko meri qabr pe le aai hai

aana chahun main tere pas to aaun kaise

bewafai ki sifat us ki nahin jati hai

apne dil ka use ham-raaz banaun kaise

ai KHuda tu ne mere 'aib chhupa rakkhe hain

ai KHuda main tera ehsan chukaun kaise

wo to patthar hai use kuchh na samajh aaegi

dastan us ko sunaun to sunaun kaise

jab mera rab hi 'ata karta hai mujh ko sab kuchh

ghair ke dar pe jabin apni jhukaun kaise

sath rahta nahin 'minhaj' hamesha wo bhi

mujh se ruTha hai mera 'aks manaun kaise