bin teri did ke kis tarah guzara hoga

bin tirī diid ke kis tarah guzāra hogā

tū na hogā to mujhe kis kā sahārā hogā

aa gale mil ke abhī hijr kā mātam kar leñ

kis ko ma.alūm kahāñ mel dobāra hogā

yā tirī diid kī ḳhvāhish ne chamak baḳhshī hai

yā rah-e-ḳhāk ne chehre ko nikhārā hogā

aaj kis muñh se gila karte ho luT jaane kā

maiñ na kahtā thā mohabbat meñ ḳhasāra hogā

har na.e saal yahāñ baañs na.e ugte haiñ

is jagah dafn koī dard kā maarā hogā

zindagī ijz ke lamhoñ meñ guzāro apnī

vaqt ke shaah banoge to ḳhasāra hogā

bin teri did ke kis tarah guzara hoga

tu na hoga to mujhe kis ka sahaara hoga

aa gale mil ke abhi hijr ka matam kar len

kis ko malum kahan mel dobara hoga

ya teri did ki KHwahish ne chamak baKHshi hai

ya rah-e-KHak ne chehre ko nikhaara hoga

aaj kis munh se gila karte ho luT jaane ka

main na kahta tha mohabbat mein KHasara hoga

har nae sal yahan bans nae ugte hain

is jagah dafn koi dard ka mara hoga

zindagi ijz ke lamhon mein guzaro apni

waqt ke shah banoge to KHasara hoga