bina matlab ki wahshat ho rahi hai

binā matlab kī vahshat ho rahī hai

koī hālat meñ hālat ho rahī hai

ġhamoñ kā is qadar aadī huā huuñ

ki ab ḳhushiyoñ se dahshat ho rahī hai

zehn pe dhuul jamtī jā rahī hai

adākārī musallat ho rahī hai

tujhe vahshat meñ gaalī bak rahā huuñ

phir is hālat pe hairat ho rahī hai

tire ehsās pāgal ho ga.e haiñ

sarāboñ se shikāyat ho rahī hai

guzārī jā rahī hai zindagī yuuñ

kisī beva kī iddat ho rahī hai

nigāh-e-ḳhushk se ronā paḌegā

yahāñ paanī kī qillat ho rahī hai

ḳhushī vaalī rageñ sākin haiñ kab se

dukhoñ vaalī meñ harakat ho rahī hai

bhale shā.ir suḳhan na kar sakeñge

ġhalīz-o-bad nizāmat ho rahī hai

mire andar jo ik pāgal hai 'shāriq'

usī kī hai jo himmat ho rahī hai

bina matlab ki wahshat ho rahi hai

koi haalat mein haalat ho rahi hai

ghamon ka is qadar aadi hua hun

ki ab KHushiyon se dahshat ho rahi hai

zehn pe dhul jamti ja rahi hai

adakari musallat ho rahi hai

tujhe wahshat mein gali bak raha hun

phir is haalat pe hairat ho rahi hai

tere ehsas pagal ho gae hain

sarabon se shikayat ho rahi hai

guzari ja rahi hai zindagi yun

kisi bewa ki iddat ho rahi hai

nigah-e-KHushk se rona paDega

yahan pani ki qillat ho rahi hai

KHushi wali ragen sakin hain kab se

dukhon wali mein harakat ho rahi hai

bhale shair suKHan na kar sakenge

ghaliz-o-bad nizamat ho rahi hai

mere andar jo ek pagal hai 'shaariq'

usi ki hai jo himmat ho rahi hai