biphre dariya ki rawani se nikal aae hain

biphre dariyā kī ravānī se nikal aa.e haiñ

ham binā bhīge hī paanī se nikal aa.e haiñ

shukr hai itne samajhdār hue haiñ bachche

raajā raanī kī kahānī se nikal aa.e haiñ

aa.ina dekh ke hairān huā hai kyā kyā

aañkh jhapkī to javānī se nikal aa.e haiñ

kiina rakh kar to milā kartā thā ham se aksar

ham tirī charb-zabānī se nikal aa.e haiñ

sun le ai ham ko tan-āsān samajhne vaale

ham dabe paañv kahānī se nikal aa.e haiñ

ham ki hijrat ke azāboñ se guzarne vaale

āḳhirash naql-e-makānī se nikal aa.e haiñ

aap ke naqsh miTāne kī sa.ī lā-hāsil

aap phir merī kahānī se nikal aa.e haiñ

zindagī ab na.ī uljhan meñ na uljhā ham ko

ham tirī sho.ala-bayānī se nikal aa.e haiñ

kis tarah aa.e yaqīñ ab tirī bātoñ pe 'ġhazal'

ham tirī shoḳh-bayānī se nikal aa.e haiñ

biphre dariya ki rawani se nikal aae hain

hum bina bhige hi pani se nikal aae hain

shukr hai itne samajhdar hue hain bachche

raja rani ki kahani se nikal aae hain

aaina dekh ke hairan hua hai kya kya

aankh jhapki to jawani se nikal aae hain

kina rakh kar to mila karta tha hum se aksar

hum teri charb-zabani se nikal aae hain

sun le ai hum ko tan-asan samajhne wale

hum dabe panw kahani se nikal aae hain

hum ki hijrat ke azabon se guzarne wale

aaKHirash naql-e-makani se nikal aae hain

aap ke naqsh miTane ki sai la-hasil

aap phir meri kahani se nikal aae hain

zindagi ab nai uljhan mein na uljha hum ko

hum teri shoala-bayani se nikal aae hain

kis tarah aae yaqin ab teri baaton pe 'ghazal'

hum teri shoKH-bayani se nikal aae hain