bistar-e-hijr ki shiknon pe kahani likh de
bistar-e-hijr kī shiknoñ pe kahānī likh de
aaj kī raat mire naam suhānī likh de
biite sāloñ kī tarah dushman-e-jānī likh de
ab ke ḳhat meñ tū koī baat purānī likh de
pyaas is ret kī ashkoñ se bujhā.ūñ kaise
ḳhushk dariyā ke muqaddar meñ bhī paanī likh de
husn kā Dhalnā zarūrī hai magar ai mālik
us ke chehre pe mire dil kī javānī likh de
ḳhush-naves aa ki tirā fan bhī mahak jā.egā
barg-e-sarsabz pe ik raat kī raanī likh de
jitnā chāhe mujhe ġham aur atā kar lekin
us ke hoñToñ pe tabassum kī ravānī likh de
bistar-e-hijr ki shiknon pe kahani likh de
aaj ki raat mere nam suhani likh de
bite salon ki tarah dushman-e-jaani likh de
ab ke KHat mein tu koi baat purani likh de
pyas is ret ki ashkon se bujhaun kaise
KHushk dariya ke muqaddar mein bhi pani likh de
husn ka Dhalna zaruri hai magar ai malik
us ke chehre pe mere dil ki jawani likh de
KHush-nawes aa ki tera fan bhi mahak jaega
barg-e-sarsabz pe ek raat ki rani likh de
jitna chahe mujhe gham aur ata kar lekin
us ke honTon pe tabassum ki rawani likh de
- Book : Qaus-e-Quzah (Pg. 66)
- Author : Syed Zia Alvi
- Publication : Syed Zia Alvi (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
