bosida imaraat ko mismar kiya hai

bosīda imārāt ko mismār kiyā hai

ham logoñ ne har raah ko hamvār kiyā hai

yuuñ markazī kirdār meñ ham Duube haiñ jaise

ḳhud ham ne Darāme kā ye kirdār kiyā hai

dīvār kī har ḳhisht pe likkhe haiñ matālib

yuuñ shahr ko ā.īna-e-iz.hār kiyā hai

bīnā.ī mire shahr meñ ik jurm hai lekin

har aañkh ko rañgoñ ne giraftār kiyā hai

darpesh abad tak kā safar hai to badan ko

kyuuñ bār-kash-e-sāya-e-ashjār kiyā hai

bosida imaraat ko mismar kiya hai

hum logon ne har rah ko hamwar kiya hai

yun markazi kirdar mein hum Dube hain jaise

KHud hum ne Darame ka ye kirdar kiya hai

diwar ki har KHisht pe likkhe hain matalib

yun shahr ko aaina-e-izhaar kiya hai

binai mere shahr mein ek jurm hai lekin

har aankh ko rangon ne giraftar kiya hai

darpesh abad tak ka safar hai to badan ko

kyun bar-kash-e-saya-e-ashjar kiya hai