bujha bujha sa gul-e-tar dikhai deta hai

bujhā bujhā sā gul-e-tar dikhā.ī detā hai

'ajīb shahr kā manzar dikhā.ī detā hai

maiñ jis ke vāste phūloñ kā haar laayā huuñ

usī ke haath meñ ḳhanjar dikhā.ī detā hai

ye shahr-e-shīshagarāñ ko ḳhabar nahīñ shāyad

har ek haath meñ patthar dikhā.ī detā hai

yaqīn kaise karūñ ġhair kī mohabbat kā

ki apnā bhaa.ī sitamgar dikhā.ī detā hai

qalam uThāne kā jis ko abhī shu'ūr nahīñ

vo aadmī bhī suḳhanvar dikhā.ī detā hai

nigāh Daalī hai jab se mire masīhā ne

bulandiyoñ pe muqaddar dikhā.ī detā hai

tumhārī bazm meñ tārīkiyāñ haiñ kyoñ 'anjum'

falak pe chāñd sā dilbar dikhā.ī detā hai

bujha bujha sa gul-e-tar dikhai deta hai

'ajib shahr ka manzar dikhai deta hai

main jis ke waste phulon ka haar laya hun

usi ke hath mein KHanjar dikhai deta hai

ye shahr-e-shishagaran ko KHabar nahin shayad

har ek hath mein patthar dikhai deta hai

yaqin kaise karun ghair ki mohabbat ka

ki apna bhai sitamgar dikhai deta hai

qalam uThane ka jis ko abhi shu'ur nahin

wo aadmi bhi suKHanwar dikhai deta hai

nigah Dali hai jab se mere masiha ne

bulandiyon pe muqaddar dikhai deta hai

tumhaari bazm mein tarikiyan hain kyon 'anjum'

falak pe chand sa dilbar dikhai deta hai