bujha bujha sa hai manzar koi charagh nahin

bujhā bujhā sā hai manzar koī charāġh nahīñ

ḳhayāl-o-ḳhvāb kā maz.har koī charāġh nahīñ

kisī mazār pe jaltā ho yā sar-e-mahfil

mirī nazar meñ to kamtar koī charāġh nahīñ

basā hai dil meñ jo valiyoñ sā ḳhushnumā chehra

usī se dil hai munavvar koī charāġh nahīñ

nashist-e-zan hai vo raste meñ tīrgī kī sipāh

mirī kumak meñ mayassar koī charāġh nahīñ

tumhārī aañkh se baḌh kar koī bhī jaam nahīñ

tumhāre saath se baḌh kar koī charāġh nahīñ

sitāre oḌh ke soyā hai vo parī-paikar

mire jahāñ ke falak par koī charāġh nahīñ

batā.ūñ raaz kī bāteñ maiñ tum ko kyā 'āsif'

darūd-e-pāk se behtar koī charāġh nahīñ

bujha bujha sa hai manzar koi charagh nahin

KHayal-o-KHwab ka mazhar koi charagh nahin

kisi mazar pe jalta ho ya sar-e-mahfil

meri nazar mein to kamtar koi charagh nahin

basa hai dil mein jo waliyon sa KHushnuma chehra

usi se dil hai munawwar koi charagh nahin

nashist-e-zan hai wo raste mein tirgi ki sipah

meri kumak mein mayassar koi charagh nahin

tumhaari aankh se baDh kar koi bhi jam nahin

tumhaare sath se baDh kar koi charagh nahin

sitare oDh ke soya hai wo pari-paikar

mere jahan ke falak par koi charagh nahin

bataun raaz ki baaten main tum ko kya 'asif'

darud-e-pak se behtar koi charagh nahin