bujhane mein hawaon ki shararat kam nahin hoti

bujhāne meñ havāoñ kī sharārat kam nahīñ hotī

magar jalte hue dīpak kī shiddat kam nahīñ hotī

koī jā ke batā de un zarā nādān logo ko

lagāne se kabhī pahre mohabbat kam nahīñ hotī

nasha aisā chaḌhā ulfat kā terī mujh pe ai hamdam

agar maiñ chaah luuñ phir bhī mohabbat kam nahīñ hotī

maiñ suljhātī huuñ ik mushkil to duujī sāmne aa.e

merī is zindagī se kyuuñ musībat kam nahīñ hotī

jidhar dekhūñ vahīñ charchā hai mandir aur masjid kā

jahāñ se sochtī huuñ kyuuñ jahālat kam nahīñ hotī

yahī maiñ parashn kartī huuñ akele baiTh kar 'jyotī'

sabab kyā hai zamāne se ye nafrat kam nahīñ hotī

bujhane mein hawaon ki shararat kam nahin hoti

magar jalte hue dipak ki shiddat kam nahin hoti

koi ja ke bata de un zara nadan logo ko

lagane se kabhi pahre mohabbat kam nahin hoti

nasha aisa chaDha ulfat ka teri mujh pe ai hamdam

agar main chah lun phir bhi mohabbat kam nahin hoti

main suljhati hun ek mushkil to duji samne aae

meri is zindagi se kyun musibat kam nahin hoti

jidhar dekhun wahin charcha hai mandir aur masjid ka

jahan se sochti hun kyun jahaalat kam nahin hoti

yahi main parashn karti hun akele baiTh kar 'jyoti'

sabab kya hai zamane se ye nafrat kam nahin hoti