bujhi bujhi si sitaron ki raushni hai abhi
bujhi bujhi si sitaron ki raushni hai abhi
Sufi Ghulam Mustafa Tabassum
MORE BYSufi Ghulam Mustafa Tabassum
bujhī bujhī sī sitāroñ kī raushnī hai abhī
ye raat kis ke ishāroñ ko DhūñDhtī hai abhī
na jaane merī nazar hī nahīñ hai jalva-shanās
na jaane tere hī jalvoñ meñ kuchh kamī hai abhī
kuchh aise gūñjtī hai dil meñ ahd-e-rafta kī yaad
ki jaise tū ne koī baat mujh se kī hai abhī
kisī ke husn se khelī haiñ umr bhar āñkheñ
ye lag rahā hai nazar se nazar milī hai abhī
hazār qāfile manzil pe jā ke lauT aa.e
mirī nigāh tirī raah DhūñDhtī hai abhī
sambhal to jaa.e tabī.at magar sitam ye hai
ki is ke ba.ad bhī ik aur zindagī hai abhī
bujhi bujhi si sitaron ki raushni hai abhi
ye raat kis ke ishaaron ko DhunDhti hai abhi
na jaane meri nazar hi nahin hai jalwa-shanas
na jaane tere hi jalwon mein kuchh kami hai abhi
kuchh aise gunjti hai dil mein ahd-e-rafta ki yaad
ki jaise tu ne koi baat mujh se ki hai abhi
kisi ke husn se kheli hain umr bhar aankhen
ye lag raha hai nazar se nazar mili hai abhi
hazar qafile manzil pe ja ke lauT aae
meri nigah teri rah DhunDhti hai abhi
sambhal to jae tabiat magar sitam ye hai
ki is ke baad bhi ek aur zindagi hai abhi
- Book : (Sau Baar Chaman Mahka)Kulliyat-e- Sufi Tabassum (Pg. 183)
- Author : Sufi Ghulam Mustafa Tabassum
- Publication : Alhamd Publications, Lahore (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
