bula kar dushmanon ko jaan par mushkil na ban jae

bulā kar dushmanoñ ko jaan par mushkil na ban jaa.e

akhāḌā faujdārī kā terī mahfil na ban jaa.e

liye phirtā hai saalā Tiin kī talvār hāthoñ meñ

javāñ hone se pahle hī kahīñ qātil na ban jaa.e

zamāna muztarib hai merī rūdād-e-alam sun kar

kahīñ duniyā se ulfat iztirāb-e-dil na bin jaa.e

phirā karte ho lailā kī tarah din raat Dolī meñ

yahī parda tumhārā parda-e-mahmil na ban jaa.e

terī zulf-e-siyah chhoTī sī jo ma.alūm hotī hai

kahīñ aage ko ye baḌh kar balā-e-dil na ban jaa.e

use ham dil nahīñ miTTī kā ik Dhelā samajhte haiñ

ki jab tak ranj-o-ġham sahne ke vo qābil na ban jaa.e

vahī hai be-qarārī aur vahī hai iztirāb is meñ

kahīñ ye surḳh aañsū thartharā kar dil na ban jaa.e

lagāte hī nahīñ vo haath mere dil kī miTTī ko

unheñ ye Dar hai mere chhūne se phir dil na ban jaa.e

ḳhudā kī raah meñ bosa jo māñgā soch kar bole

ye Dar hai tū hamesha ke liye saa.il na ban jaa.e

janāb-e-'būm' aksar be-ticket chalne ke aadī haiñ

kahīñ pakḌe ga.e to jaan par mushkil na ban jaa.e

bula kar dushmanon ko jaan par mushkil na ban jae

akhaDa faujdari ka teri mahfil na ban jae

liye phirta hai sala Tin ki talwar hathon mein

jawan hone se pahle hi kahin qatil na ban jae

zamana muztarib hai meri rudad-e-alam sun kar

kahin duniya se ulfat iztirab-e-dil na bin jae

phira karte ho laila ki tarah din raat Doli mein

yahi parda tumhaara parda-e-mahmil na ban jae

teri zulf-e-siyah chhoTi si jo malum hoti hai

kahin aage ko ye baDh kar bala-e-dil na ban jae

use hum dil nahin miTTi ka ek Dhela samajhte hain

ki jab tak ranj-o-gham sahne ke wo qabil na ban jae

wahi hai be-qarari aur wahi hai iztirab is mein

kahin ye surKH aansu tharthara kar dil na ban jae

lagate hi nahin wo hath mere dil ki miTTi ko

unhen ye Dar hai mere chhune se phir dil na ban jae

KHuda ki rah mein bosa jo manga soch kar bole

ye Dar hai tu hamesha ke liye sail na ban jae

janab-e-'bum' aksar be-ticket chalne ke aadi hain

kahin pakDe gae to jaan par mushkil na ban jae