buland himmat se aasman mein shigaf humse nahin hua hai

buland himmat se āsmāñ meñ shigāf ham se nahīñ huā hai

shikast kā bhī abhī talak e'tirāf ham se nahīñ huā hai

ai bandagān-e-havas abhī ham salāmtī jaañ kī chāhte haiñ

faqīr-e-gosha-nashīñ haiñ par etakāf ham se nahīñ huā hai

larazte hoñToñ se phir duā kī qubūliyat ke haiñ muntazir ham

ye ek sach hai qusūr apnā muaaf ham se nahīñ huā hai

kahāñ nigāhoñ meñ jal uThe haiñ bujhe ta.alluq ke saare jugnū

hamārā ġham munfarid hai ye inkishāf ham se nahīñ huā hai

bayān dene kī ab zarūrat huī hai mahsūs to bolte haiñ

gunāh koī pas-e-naqāb-o-ġhilāf ham se nahīñ huā hai

ġhanīm kī sharteñ puurī saarī hamāre ahbāb kar rahe haiñ

jo gard thī aa.ine pe dil ke vo saaf ham se nahīñ huā hai

virāsat-e-zehn-o-dil kā phir mas.ala koī hal-talab hai 'raunaq'

abhī talak ik zahīn bachcha ḳhilāf ham se nahīñ huā hai

buland himmat se aasman mein shigaf hum se nahin hua hai

shikast ka bhi abhi talak e'tiraf hum se nahin hua hai

ai bandagan-e-hawas abhi hum salamti jaan ki chahte hain

faqir-e-gosha-nashin hain par etakaf hum se nahin hua hai

larazte honTon se phir dua ki qubuliyat ke hain muntazir hum

ye ek sach hai qusur apna muaf hum se nahin hua hai

kahan nigahon mein jal uThe hain bujhe talluq ke sare jugnu

hamara gham munfarid hai ye inkishaf hum se nahin hua hai

bayan dene ki ab zarurat hui hai mahsus to bolte hain

gunah koi pas-e-naqab-o-ghilaf hum se nahin hua hai

ghanim ki sharten puri sari hamare ahbab kar rahe hain

jo gard thi aaine pe dil ke wo saf hum se nahin hua hai

wirasat-e-zehn-o-dil ka phir masala koi hal-talab hai 'raunaq'

abhi talak ek zahin bachcha KHilaf hum se nahin hua hai