buton ko faeda kya hai jo humse jang karte hain

butoñ ko fā.eda kyā hai jo ham se jañg karte haiñ

ḳhafā jo zindagī se huuñ unheñ kyuuñ tañg karte haiñ

idhar ūdhar se phir terī galī meñ dil le aatā hai

taraf dair o haram ke jab kabhī āhañg karte haiñ

kisī aur hī ke ghar ko kījiyo sayyād tū taz.īñ

ham apne ḳhuun hī se is qafas par rañg karte haiñ

ba-tañg aa kar ke aalam ne garebāñ chaak kar Daalā

butāñ phir kis liye jaame ko apne tañg karte haiñ

use to taab dam kī bhī nahīñ juuñ aa.ina ḳhūbāñ

'razā' kī tarf se kyuuñ apne jī ko tañg karte haiñ

buton ko faeda kya hai jo hum se jang karte hain

KHafa jo zindagi se hun unhen kyun tang karte hain

idhar udhar se phir teri gali mein dil le aata hai

taraf dair o haram ke jab kabhi aahang karte hain

kisi aur hi ke ghar ko kijiyo sayyaad tu tazin

hum apne KHun hi se is qafas par rang karte hain

ba-tang aa kar ke aalam ne gareban chaak kar Dala

butan phir kis liye jame ko apne tang karte hain

use to tab dam ki bhi nahin jun aaina KHuban

'raza' ki tarf se kyun apne ji ko tang karte hain