bunden paDi thin chhat pe ki sab log uTh gae

būñdeñ paḌī thiiñ chhat pe ki sab log uTh ga.e

qudrat ke aadmī se 'ajab silsile rahe

vo shaḳhs kyā huā jo muqābil thā sochiye

bas itnā kah ke aa.ine ḳhāmosh ho ga.e

is aas par ki ḳhud se mulāqāt ho kabhī

apne hī dar pe aap hī dastak diyā kiye

patte uḌā ke le ga.ī andhī havā kahīñ

ashjār be-libās zamīñ meñ gaḌe rahe

kyā baat thī ki saarī fazā bolne lagī!

kuchh baat thī ki der talak sochte rahe

har sansanātī shai pe thī chādar dhueñ kī 'rāz'

ākāsh meñ shafaq thī na paanī pe dā.ere

maiñ ne ġhazal kahī hai 'munavvar' magar kahāñ!

pūchhegā 'rāz' kaun! miyāñ she’r kuchh kahe?

bunden paDi thin chhat pe ki sab log uTh gae

qudrat ke aadmi se 'ajab silsile rahe

wo shaKHs kya hua jo muqabil tha sochiye

bas itna kah ke aaine KHamosh ho gae

is aas par ki KHud se mulaqat ho kabhi

apne hi dar pe aap hi dastak diya kiye

patte uDa ke le gai andhi hawa kahin

ashjar be-libas zamin mein gaDe rahe

kya baat thi ki sari faza bolne lagi!

kuchh baat thi ki der talak sochte rahe

har sansanati shai pe thi chadar dhuen ki 'raaz'

aakash mein shafaq thi na pani pe daere

main ne ghazal kahi hai 'munawwar' magar kahan!

puchhega 'raaz' kaun! miyan she’r kuchh kahe?