buzdil hain to is raste se jate hi nahin hain

buzdil haiñ to is raste se jaate hī nahīñ haiñ

ham aap ko tū kah ke bulāte hī nahīñ haiñ

khīñchoge jo dhāgā to udhaḌ jā.egā saarā

ham log tabhī haal batāte hī nahīñ haiñ

zinda nazar aane kī numā.ish pe na jaao

ham marte haiñ har vaqt dikhāte hī nahīñ haiñ

is shahr ke bachchoñ se kaheñ kuchh to kaheñ kyā

alfāz inheñ koī bhī aate hī nahīñ haiñ

is ghar kī safā.ī meñ bahut kaam hai 'fānī'

aur aap haiñ jo haath baTāte hī nahīñ haiñ

buzdil hain to is raste se jate hi nahin hain

hum aap ko tu kah ke bulate hi nahin hain

khinchoge jo dhaga to udhaD jaega sara

hum log tabhi haal batate hi nahin hain

zinda nazar aane ki numaish pe na jao

hum marte hain har waqt dikhate hi nahin hain

is shahr ke bachchon se kahen kuchh to kahen kya

alfaz inhen koi bhi aate hi nahin hain

is ghar ki safai mein bahut kaam hai 'fani'

aur aap hain jo hath baTate hi nahin hain