chahat ji ka rog hai pyare ji ko rok lagao kyun

chāhat jī kā rog hai pyāre jī ko rok lagāo kyuuñ

jaisī karnī vaisī bharnī ab is par pachhtāo kyuuñ

surḳh haiñ āñkheñ zard hai chehra rañgoñ kī tartīb ajiib

is be-rañg zamāne ko tum aise rañg dikhāo kyuuñ

dil kā dar kab band huā hai koī aa.e koī jaa.e

jo aa.e aur kabhī na jaa.e vo mehmān bulāo kyuuñ

sub.h kā bhūlā shaam ko vāpas ghar aa.e to ġhanīmat hai

jin galiyoñ meñ jā ke na lauTo un galiyoñ meñ jaao kyuuñ

aas kī Dor bahut nāzuk thī bojh paḌā to TuuT ga.ī

tez havā.eñ jab chaltī hoñ ūñchī pech laḌāo kyuuñ

saarī ruteñ ānī-jānī haiñ har rab kā hai apnā rañg

rañg kā dhokā khāne vaalo apnā rañg uḌaao kyuuñ

aas kā dāman chhūT gayā to hāthoñ ko āzād na do

apnī chādar chhoTī ho to paañv bahut phailāv kyuuñ

pyaar kī shiddat dil kī hiddat 'bāqar' us ko raas nahīñ

garm havā ke jhoñkoñ se us phuul ko tum kumhlāo kyuuñ

chahat ji ka rog hai pyare ji ko rok lagao kyun

jaisi karni waisi bharni ab is par pachhtao kyun

surKH hain aankhen zard hai chehra rangon ki tartib ajib

is be-rang zamane ko tum aise rang dikhao kyun

dil ka dar kab band hua hai koi aae koi jae

jo aae aur kabhi na jae wo mehman bulao kyun

subh ka bhula sham ko wapas ghar aae to ghanimat hai

jin galiyon mein ja ke na lauTo un galiyon mein jao kyun

aas ki Dor bahut nazuk thi bojh paDa to TuT gai

tez hawaen jab chalti hon unchi pech laDao kyun

sari ruten aani-jaani hain har rab ka hai apna rang

rang ka dhoka khane walo apna rang uDao kyun

aas ka daman chhuT gaya to hathon ko aazad na do

apni chadar chhoTi ho to panw bahut phailaw kyun

pyar ki shiddat dil ki hiddat 'baqar' us ko ras nahin

garm hawa ke jhonkon se us phul ko tum kumhlao kyun