chahe khoTe hain ya khare hain hum

chāhe khoTe haiñ yā khare haiñ ham

Dast-e-qudrat ke lāDle haiñ ham

'aks-e-rafta ko dekhiye sāhib

kitne mā'sūm lag rahe haiñ ham

raat jīvan kā giit gaatī hai

ḳhvāb-e-tanvīm dekhte haiñ ham

'umr lag jā.egī sañbhalne meñ

kis bulandī se yuuñ gire haiñ ham

ek hangām hai taġhayyur kā

kunj-e-nisyān meñ paḌe haiñ ham

ab bhī mehñdī kā rang gahrā hai

sandalīñ haath par rache haiñ ham

ik tamāshā hai kār-zār-e-hayāt

dekh kar ser ho chuke haiñ ham

jhilmilāte haiñ aarzū ke kañval

dil-jharoke se jhāñkte haiñ ham

chahe khoTe hain ya khare hain hum

Dast-e-qudrat ke laDle hain hum

'aks-e-rafta ko dekhiye sahib

kitne ma'sum lag rahe hain hum

raat jiwan ka git gati hai

KHwab-e-tanwim dekhte hain hum

'umr lag jaegi sanbhalne mein

kis bulandi se yun gire hain hum

ek hangam hai taghayyur ka

kunj-e-nisyan mein paDe hain hum

ab bhi mehndi ka rang gahra hai

sandalin hath par rache hain hum

ek tamasha hai kar-zar-e-hayat

dekh kar ser ho chuke hain hum

jhilmilate hain aarzu ke kanwal

dil-jharoke se jhankte hain hum