chahta to nahin tha par aai

chāhtā to nahīñ thā par aa.ī

aap kī yaad 'umr-bhar aa.ī

us ne jhāñkā thā shab darīche se

chāñdnī jhiil par utar aa.ī

aabjū aaya us ke hisse meñ

aur tishna-labī idhar aa.ī

maiñ ki dariyā kināre baiThā thā

laash paanī par ik ubhar aa.ī

us ke kāñdhe pe sar rakhā hī thā

niiñd aa.ī bhī to kidhar aa.ī

chāñd bhī oT se nahīñ niklā

aur vo bhī na baam par aa.ī

ġham kī shab june ko paḌhā maiñ ne

ḳhuuñ ugaltī huī sahar aa.ī

dekhtā rah gayā faqat pankhā

jab na sūrat koī nazar aa.ī

maiñ jo huuñ mujh ko ho gayā mā'lūm

uḌtī uḌtī huī ḳhabar aa.ī

chahta to nahin tha par aai

aap ki yaad 'umr-bhar aai

us ne jhanka tha shab dariche se

chandni jhil par utar aai

aabju aaya us ke hisse mein

aur tishna-labi idhar aai

main ki dariya kinare baiTha tha

lash pani par ek ubhar aai

us ke kandhe pe sar rakha hi tha

nind aai bhi to kidhar aai

chand bhi oT se nahin nikla

aur wo bhi na baam par aai

gham ki shab june ko paDha main ne

KHun ugalti hui sahar aai

dekhta rah gaya faqat pankha

jab na surat koi nazar aai

main jo hun mujh ko ho gaya ma'lum

uDti uDti hui KHabar aai