chahta ye hun ki benam-o-nishan ho jaun
chāhtā ye huuñ ki benām-o-nishāñ ho jā.ūñ
sham.a kī tarah jalūñ aur dhuāñ ho jā.ūñ
pahle dahlīz pe raushan karūñ āñkhoñ ke charāġh
aur phir ḳhud kisī parde meñ nihāñ ho jā.ūñ
toḌ kar pheñk duuñ ye firqa-parastī ke mahal
aur peshānī pe sajde kā nishāñ ho jā.ūñ
dil se phir dard mahakne kī sadā.eñ uTTheñ
kaash aisā ho maiñ terī rag-e-jāñ ho jā.ūñ
bas tire zikr meñ kaT jaa.eñ mire roz-o-shab
nuur kī shāḳh pe chiḌiyoñ kī zabāñ ho jā.ūñ
ḳhaak jis kūche kī malte haiñ farishte aa kar
maiñ usī ḳhaak ke zarroñ meñ nihāñ ho jā.ūñ
merī āvāra-mizājī ko sukūñ mil jaa.e
dard ban kar tire siine meñ ravāñ ho jā.ūñ
chahta ye hun ki benam-o-nishan ho jaun
shama ki tarah jalun aur dhuan ho jaun
pahle dahliz pe raushan karun aankhon ke charagh
aur phir KHud kisi parde mein nihan ho jaun
toD kar phenk dun ye firqa-parasti ke mahal
aur peshani pe sajde ka nishan ho jaun
dil se phir dard mahakne ki sadaen uTThen
kash aisa ho main teri rag-e-jaan ho jaun
bas tere zikr mein kaT jaen mere roz-o-shab
nur ki shaKH pe chiDiyon ki zaban ho jaun
KHak jis kuche ki malte hain farishte aa kar
main usi KHak ke zarron mein nihan ho jaun
meri aawara-mizaji ko sukun mil jae
dard ban kar tere sine mein rawan ho jaun
- Book : Surkhab (Pg. 43)
- Author : Azm Shakri
- Publication : Aiwan-e-adab Publishers (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
