chand apni wusaton mein gum-shuda rah jaega
chāñd apnī vus.atoñ meñ gum-shuda rah jā.egā
ham na hoñge to kahāñ koī diyā rah jā.egā
rafta rafta zehn ke sab qumqume bujh jā.eñge
aur ik andhe nagar kā rāsta rah jā.egā
titliyoñ ke saath hī pāgal havā kho jā.egī
pattiyoñ kī oT meñ koī chhupā rah jā.egā
zard pattoñ kī tarah ik din bikhar jā.egā tū
jā chuke mausam ko tanhā sochtā rah jā.egā
shahr-e-vīrāñ meñ hazāroñ ḳhvāb le kar ik diyā
zad pe tūfānoñ kī hogā aur jalā rah jā.egā
Dūbte tāroñ kī sūrat kuchh lakīreñ chhoḌ kar
mere hone aur na hone kā sirā rah jā.egā
āñdhiyāñ kar deñgī gul 'ishrat' fasīloñ ke charāġh
ik diyā lekin tamannā kā jalā rah jā.egā
chand apni wusaton mein gum-shuda rah jaega
hum na honge to kahan koi diya rah jaega
rafta rafta zehn ke sab qumqume bujh jaenge
aur ek andhe nagar ka rasta rah jaega
titliyon ke sath hi pagal hawa kho jaegi
pattiyon ki oT mein koi chhupa rah jaega
zard patton ki tarah ek din bikhar jaega tu
ja chuke mausam ko tanha sochta rah jaega
shahr-e-viran mein hazaron KHwab le kar ek diya
zad pe tufanon ki hoga aur jala rah jaega
Dubte taron ki surat kuchh lakiren chhoD kar
mere hone aur na hone ka sira rah jaega
aandhiyan kar dengi gul 'ishrat' fasilon ke charagh
ek diya lekin tamanna ka jala rah jaega
- Book : TASTEER (Pg. 439)
- Author : Nasiir Ahmed Nasir
- Publication : C-56,LDA Flats, Chanaab Block, Iqbaal Town, Lahore (Issue No. 9,10 July/August. 1999)
- Edition : Issue No. 9,10 July/August. 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
