chand Duba to ye saza pai

chāñd Duubā to ye sazā paa.ī

baat karne lagī hai tanhā.ī

kār-zār-e-hayāt meñ aksar

ham ko apnoñ ne dī hai rusvā.ī

phir mile bhī to ajnabī kī tarah

kaam aa.ī nahīñ shanāsā.ī

hai kahāñ kisht-e-kufr dasht-e-ḳhayāl

duur tak maiñ huuñ aur tanhā.ī

ek mehvar pe aa nahīñ sakte

vo dar-e-shauq aur jabīñ-sā.ī

ḳhaar se gul judā nahīñ hote

baat ham ne unheñ ye samjhā.ī

zīnat-e-dār ham bane lekin

aap laa.e haiñ ye qazā laa.ī

yuuñ bhī hotā hai bārhā 'manzar'

niiñd aa.ī magar nahīñ aa.ī

chand Duba to ye saza pai

baat karne lagi hai tanhai

kar-zar-e-hayat mein aksar

hum ko apnon ne di hai ruswai

phir mile bhi to ajnabi ki tarah

kaam aai nahin shanasai

hai kahan kisht-e-kufr dasht-e-KHayal

dur tak main hun aur tanhai

ek mehwar pe aa nahin sakte

wo dar-e-shauq aur jabin-sai

KHar se gul juda nahin hote

baat hum ne unhen ye samjhai

zinat-e-dar hum bane lekin

aap lae hain ye qaza lai

yun bhi hota hai barha 'manzar'

nind aai magar nahin aai