chand ki awwal kiran manzar-ba-manzar aaegi
chand ki awwal kiran manzar-ba-manzar aaegi
Rajinder Manchanda Bani
MORE BYRajinder Manchanda Bani
chāñd kī avval kiran manzar-ba-manzar aa.egī
shaam Dhal jaane do shab ziina utar kar aa.egī
mere bistar tak abhī aa.ī hai vo ḳhushbu-e-ḳhvāb
rafta rafta bāzuoñ meñ bhī badan bhar aa.egī
jaane vo bolegā kyā kyā aur barī ho jā.egā
kuchh sunūñgā maiñ to sab tohmat mire sar aa.egī
vo khaḌī hai ik rivāyat kī tarah dahlīz par
sair kā bhī shauq hai lekin na bāhar aa.egī
yuuñ ki tujh se duur bhī hote chale jā.eñge ham
jānte bhī haiñ sadā terī barābar aa.egī
kyā khaḌā naddī kināre dekhtā hai vus.ateñ
kyā samajhtā hai koī mauj-e-samundar aa.egī
kyā ajab hote haiñ bātin rāstoñ ke silsile
koī bhī zindāñ ho 'bānī' raushnī dar aa.egī
chand ki awwal kiran manzar-ba-manzar aaegi
sham Dhal jaane do shab zina utar kar aaegi
mere bistar tak abhi aai hai wo KHushbu-e-KHwab
rafta rafta bazuon mein bhi badan bhar aaegi
jaane wo bolega kya kya aur bari ho jaega
kuchh sununga main to sab tohmat mere sar aaegi
wo khaDi hai ek riwayat ki tarah dahliz par
sair ka bhi shauq hai lekin na bahar aaegi
yun ki tujh se dur bhi hote chale jaenge hum
jaante bhi hain sada teri barabar aaegi
kya khaDa naddi kinare dekhta hai wusaten
kya samajhta hai koi mauj-e-samundar aaegi
kya ajab hote hain baatin raston ke silsile
koi bhi zindan ho 'bani' raushni dar aaegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
