chand ki bebasi ko samjhungi

chāñd kī bebasī ko samjhūñgī

raushnī kī kamī ko samjhūñgī

ek patthar se dostī kar ke

aap kī be-ruḳhī ko samjhūñgī

maiñ charāġhoñ ko taaq par rakh kar

hāsil-e-zindagī ko samjhūñgī

is badan kā tilism TuuTe to

phuul kī tāzgī ko samjhūñgī

log kahte haiñ jab mujhe behis

maiñ bhalā kyuuñ kisī ko samjhūñgī

phone par baat hogī fursat se

aur ik ajnabī ko samjhūñgī

mujh se ummīd mat lagāo tum

maiñ nahīñ jo sabhī ko samjhūñgī

jā ke dariyā kināre baiThūñgī

shor meñ ḳhāmushī ko samjhūñgī

maiñ suhūlat-pasand huuñ 'zahrā'

aapsī dushmanī ko samjhūñgī

chand ki bebasi ko samjhungi

raushni ki kami ko samjhungi

ek patthar se dosti kar ke

aap ki be-ruKHi ko samjhungi

main charaghon ko taq par rakh kar

hasil-e-zindagi ko samjhungi

is badan ka tilism TuTe to

phul ki tazgi ko samjhungi

log kahte hain jab mujhe behis

main bhala kyun kisi ko samjhungi

phone par baat hogi fursat se

aur ek ajnabi ko samjhungi

mujh se ummid mat lagao tum

main nahin jo sabhi ko samjhungi

ja ke dariya kinare baiThungi

shor mein KHamushi ko samjhungi

main suhulat-pasand hun 'zahra'

aapsi dushmani ko samjhungi