chand ne kahan dekhi teri ek jhalak warna

chāñd ne kahāñ dekhī terī ik jhalak varna

pal meñ hī chalā aatā chhoḌ kar falak varna

tum ne chhū liyā un ko to mahak uThe saare

phūloñ meñ nahīñ hotī is qadar mahak varna

terā ruup dekhā to aa ga.ī muqābil meñ

roz kab nikaltī hai ye dhanak-vanak varna

yaad koī aaya hai mujh ko aisā lagtā hai

is qadar nahīñ hotī chehre par chamak varna

tishnagī nigāhoñ kī ab sanam miTā bhī do

sabr kā ye paimāna jā.egā chhalak varna

dil pe haath rakh do bas tum mire qarīb aa kar

maar Dālegī mujh ko hijr kī kasak varna

aap kā qarīb aanā dil ko achchhā lagtā hai

dekhiye na ab aise jā.eñge bahak varna

'sād' rāz-e-dil kah de aaj un se tū jā kar

umr-bhar satā.egī tujh ko ye jhijhak varna

chand ne kahan dekhi teri ek jhalak warna

pal mein hi chala aata chhoD kar falak warna

tum ne chhu liya un ko to mahak uThe sare

phulon mein nahin hoti is qadar mahak warna

tera rup dekha to aa gai muqabil mein

roz kab nikalti hai ye dhanak-wanak warna

yaad koi aaya hai mujh ko aisa lagta hai

is qadar nahin hoti chehre par chamak warna

tishnagi nigahon ki ab sanam miTa bhi do

sabr ka ye paimana jaega chhalak warna

dil pe hath rakh do bas tum mere qarib aa kar

mar Dalegi mujh ko hijr ki kasak warna

aap ka qarib aana dil ko achchha lagta hai

dekhiye na ab aise jaenge bahak warna

'sad' raaz-e-dil kah de aaj un se tu ja kar

umr-bhar sataegi tujh ko ye jhijhak warna