chand to taron se siwa hi tha

chāñd to tāroñ se sivā hī thā

phir hazāroñ meñ bhī judā hī thā

yaad tum kis maqām par aa.e

dil tumheñ bhūlne lagā hī thā

mujh se koī umiid tum rakhnā

maiñ ne to tum se ye kahā hī thā

ek aahaT ne kar diyā bedār

ḳhvāb bas aañkh se lagā hī thā

tū ne rahne nahīñ diyā mujh ko

varna maiñ tere kaam kā hī thā

is qadar shāndār thā mausam

be-nasha man bahak gayā hī thā

uḌte āvāra bādaloñ kī tarah

vasl barsāt kī ghaTā hī thā

ahd ke paimāñ ke sard-ḳhānoñ meñ

maiñ to apnī jagah khaḌā hī thā

vo mujhe bhuul hī gayā hogā

rishta us se to mirā kyā hī thā

lauT kar us ne bas kahā itnā

tumheñ to phir mirā patā hī thā

chand to taron se siwa hi tha

phir hazaron mein bhi juda hi tha

yaad tum kis maqam par aae

dil tumhein bhulne laga hi tha

mujh se koi umid tum rakhna

main ne to tum se ye kaha hi tha

ek aahaT ne kar diya bedar

KHwab bas aankh se laga hi tha

tu ne rahne nahin diya mujh ko

warna main tere kaam ka hi tha

is qadar shandar tha mausam

be-nasha man bahak gaya hi tha

uDte aawara baadalon ki tarah

wasl barsat ki ghaTa hi tha

ahd ke paiman ke sard-KHanon mein

main to apni jagah khaDa hi tha

wo mujhe bhul hi gaya hoga

rishta us se to mera kya hi tha

lauT kar us ne bas kaha itna

tumhein to phir mera pata hi tha