chandni ne raat ka mausam jawan jaise kiya

chāñdnī ne raat kā mausam javāñ jaise kiyā

ham ne bhī chehra farozāñ shīsha-e-mai se kiyā

pās-e-ḳhuddārī to hai lekin vafā-dushman nahīñ

tum ne ham par tark-e-ulfat kā gumāñ kaise kiyā

ham gunāhoñ kī sharī.at se hue jab āshnā

jism ne jo faisla jaise diyā vaise kiyā

is liye ab Dūbne ke ḳhauf se haiñ be-niyāz

ham ne āġhāz-e-safar dariyāoñ kī tah se kiyā

raushnī apnī luTā.ī ham ne sūraj kī tarah

andhī rātoñ meñ ujālā mash.al-e-lai se kiyā

jab shu.ūr aayā to 'fāriġh' vus.at-fan ke liye

istifāda ham ne duniyā kī har ik shai se kiyā

chandni ne raat ka mausam jawan jaise kiya

hum ne bhi chehra farozan shisha-e-mai se kiya

pas-e-KHuddari to hai lekin wafa-dushman nahin

tum ne hum par tark-e-ulfat ka guman kaise kiya

hum gunahon ki shariat se hue jab aashna

jism ne jo faisla jaise diya waise kiya

is liye ab Dubne ke KHauf se hain be-niyaz

hum ne aaghaz-e-safar dariyaon ki tah se kiya

raushni apni luTai hum ne suraj ki tarah

andhi raaton mein ujala mashal-e-lai se kiya

jab shuur aaya to 'farigh' wusat-fan ke liye

istifada hum ne duniya ki har ek shai se kiya