chaar-su phaile nazar aae ujale mere

chār-sū phaile nazar aa.e ujāle mere

koī aa dekhe paḌe pair ke chhāle mere

maiñ samajhtā huuñ ki maiñ kuchh bhī nahīñ huuñ lekin

log dete haiñ ka.ī baar havāle mere

aañkh ke lams se jis jis ko chhuā chāñd hue

din ke sūraj hue hāthoñ se uchhāle mere

achchhe yāroñ ne rakhe naam bhī achchhe mere

bhāyā kah dete haiñ yā kahte haiñ laale mere

dasht-e-vahshat meñ samar-bār numū le aa.e

zarra-e-ret pe barse hue paale mere

vā-e-qismat se mile tū ne diye zaḳhm hare

niile niile se hue niile se kaale mere

na hī jhuktā hai na biktā hai na ghabrātā hai

tū ne sab 'aib bahut ḳhuub nikāle mere

koī aa.e mirī turbat pe to miTTī kī jagah

un se kahnā hai ki afkār sañbhāle mere

na.e uslūb na.ī baat na.ī tashbīhāt

isti'āre bhī bahut ḳhuub nirāle mere

chaar-su phaile nazar aae ujale mere

koi aa dekhe paDe pair ke chhaale mere

main samajhta hun ki main kuchh bhi nahin hun lekin

log dete hain kai bar hawale mere

aankh ke lams se jis jis ko chhua chand hue

din ke suraj hue hathon se uchhaale mere

achchhe yaron ne rakhe nam bhi achchhe mere

bhaya kah dete hain ya kahte hain lale mere

dasht-e-wahshat mein samar-bar numu le aae

zarra-e-ret pe barse hue pale mere

wa-e-qismat se mile tu ne diye zaKHm hare

nile nile se hue nile se kale mere

na hi jhukta hai na bikta hai na ghabraata hai

tu ne sab 'aib bahut KHub nikale mere

koi aae meri turbat pe to miTTi ki jagah

un se kahna hai ki afkar sanbhaale mere

nae uslub nai baat nai tashbihat

isti'are bhi bahut KHub nirale mere