chaaron taraf kuchh diwaren si rahti hain aahon mein lagi

chāroñ taraf kuchh dīvāreñ sī rahtī haiñ aahoñ meñ lagī

merī miTTī tere ghar kī gahrī buniyādoñ meñ lagī

chup kī chādar oḌh to lī hai paañv chhupeñ sar khul chaa.e

mahrūmī kī dhuup na jaane kab se āvāzoñ meñ lagī

un se zulmat-e-dasht muqaddar aur siyāh na ho jaa.e

chhoḌ na detā chāñd kirneñ tum apne ḳhvāboñ meñ lagī

mujh se mere apne log bhī rahte haiñ begāne se

mere naam kī kaun sī tohmat un ke andāzoñ meñ lagī

is mausam meñ Daalī Daalī barf ke itne phuul khile

rañg-o-tapish se mahrūmī kī shāḳh mire jazboñ meñ lagī

chaaron taraf kuchh diwaren si rahti hain aahon mein lagi

meri miTTi tere ghar ki gahri buniyaadon mein lagi

chup ki chadar oDh to li hai panw chhupen sar khul chae

mahrumi ki dhup na jaane kab se aawazon mein lagi

un se zulmat-e-dasht muqaddar aur siyah na ho jae

chhoD na deta chand kirnen tum apne KHwabon mein lagi

mujh se mere apne log bhi rahte hain begane se

mere nam ki kaun si tohmat un ke andazon mein lagi

is mausam mein Dali Dali barf ke itne phul khile

rang-o-tapish se mahrumi ki shaKH mere jazbon mein lagi