chala sair-e-gul ko wo sarw-qad to chaman chaman tha nikhaar par

chalā sair-e-gul ko vo sarv-qad to chaman chaman thā nikhār par

gul-o-ġhuncha baqqa-e-nūr the thā gumān-e-barq bahār par

yahī be-sabātī-e-gulsitāñ thī jabīn-e-gul pe ravāñ-davāñ

na samajh sake ise nukta-dāñ ki ḳhizāñ kā daañt bahār par

mire dam se hast hai buud hai mire naam se ye numūd hai

ye nizām-e-dahr hai raqs meñ mire sāz-e-hastī ke taar par

sar-e-shām-e-vā'da haiñ hasrateñ kabhī rūh-e-dil kabhī jān-e-jāñ

dam-e-sub.h barsegī be-kasī inhīñ hasratoñ ke mazār par

ye ġhalat ki ruḳh pe naqāb thā ye takallufāna hijāb thā

vo to bikhrī bikhrī nigāh thī dam-e-dīd chehra-e-yār par

ye to apnā apnā mazāq thā yahāñ 'aql-o-hosh kā daḳhl kyā

koī jī uThā tire zulm par koī mar-miTā tire pyaar par

zahe fikr-e-'zāhir'-e-'haidarī' ye zamīn aisī ġhazal kahī

haiñ tamām she'r shagufta-tar inheñ fauqiyat hai bahār par

chala sair-e-gul ko wo sarw-qad to chaman chaman tha nikhaar par

gul-o-ghuncha baqqa-e-nur the tha guman-e-barq bahaar par

yahi be-sabaati-e-gulsitan thi jabin-e-gul pe rawan-dawan

na samajh sake ise nukta-dan ki KHizan ka dant bahaar par

mere dam se hast hai bud hai mere nam se ye numud hai

ye nizam-e-dahr hai raqs mein mere saz-e-hasti ke tar par

sar-e-sham-e-wa'da hain hasraten kabhi ruh-e-dil kabhi jaan-e-jaan

dam-e-subh barsegi be-kasi inhin hasraton ke mazar par

ye ghalat ki ruKH pe naqab tha ye takallufana hijab tha

wo to bikhri bikhri nigah thi dam-e-did chehra-e-yar par

ye to apna apna mazaq tha yahan 'aql-o-hosh ka daKHl kya

koi ji uTha tere zulm par koi mar-miTa tere pyar par

zahe fikr-e-'zahir'-e-'haidari' ye zamin aisi ghazal kahi

hain tamam she'r shagufta-tar inhen fauqiyat hai bahaar par