chale gae wahi ki jin se ghar ki aan-ban thi

chale ga.e vahī ki jin se ghar kī ān-bān thī

makīn ke vujūd se hī raunaq-e-makān thī

phirūñ na kyoñ talāsh meñ galī galī nagar nagar

jo chiiz kho ga.ī kahīñ vahī matā’-e-jān thī

jo saañs khīñchne ko aañkh muuñd lī agar to kyā

thī ziist be-mazā to kuchh safar kī bhī takān thī

ḳhadang-e-jasta kā gumāñ thā charḳh-e-sīna-soz par

uThī nigāh to sajī falak pe ik kamān thī

shab-e-firāq kī sahar kā pūchhte ho kyā mujhe

sisak rahī thī sub.h aur fazā lahūluhān thī

huā na farq merī aur dastān-e-sham’ meñ

guzar ga.ī jo 'umr vo shadīd imtihān thī

huā hai raaz āshkār nāma-bar nahīñ to kyā

na muñh se kuchh kahā to kyā vo aañkh hī zabān thī

chale gae wahi ki jin se ghar ki aan-ban thi

makin ke wujud se hi raunaq-e-makan thi

phirun na kyon talash mein gali gali nagar nagar

jo chiz kho gai kahin wahi mata’-e-jaan thi

jo sans khinchne ko aankh mund li agar to kya

thi zist be-maza to kuchh safar ki bhi takan thi

KHadang-e-jasta ka guman tha charKH-e-sina-soz par

uThi nigah to saji falak pe ek kaman thi

shab-e-firaq ki sahar ka puchhte ho kya mujhe

sisak rahi thi subh aur faza lahuluhan thi

hua na farq meri aur dastan-e-sham’ mein

guzar gai jo 'umr wo shadid imtihan thi

hua hai raaz aashkar nama-bar nahin to kya

na munh se kuchh kaha to kya wo aankh hi zaban thi