chale the hum ki sair-e-gulshan-e-ijad karte hain

chale the ham ki sair-e-gulshan-e-ījād karte haiñ

ki itne meñ ajal aa kar pukārī yaad karte haiñ

hujūm-e-ārzū se shahr-e-dil ābād karte haiñ

ham apnī ḳhaak apne haath se barbād karte haiñ

taraf-dārī na kar insāf kar ai dāvar-e-mahshar

sazā de in butoñ ko varna ham fariyād karte haiñ

kabhī to rañg lā.egā kabhī to gul khilā.egā

ham apnā ḳhuun sarf-e-gulshan-e-ījād karte haiñ

hameñ to kār-pardāzān-e-qudarat khel samjhe haiñ

kabhī ābād karte haiñ kabhī barbād karte haiñ

kisī ummīd par zinda rahūñ yā ghuT ke mar jā.ūñ

vo kyā kahte haiñ ai qāsid vo kyā irshād karte haiñ

'hafīz' apnī tabī.at par mujhe ḳhud rashk aatā hai

mire ash.ār par hazrat hamesha saad karte haiñ

chale the hum ki sair-e-gulshan-e-ijad karte hain

ki itne mein ajal aa kar pukari yaad karte hain

hujum-e-arzu se shahr-e-dil aabaad karte hain

hum apni KHak apne hath se barbaad karte hain

taraf-dari na kar insaf kar ai dawar-e-mahshar

saza de in buton ko warna hum fariyaad karte hain

kabhi to rang laega kabhi to gul khilaega

hum apna KHun sarf-e-gulshan-e-ijad karte hain

hamein to kar-pardazan-e-qudarat khel samjhe hain

kabhi aabaad karte hain kabhi barbaad karte hain

kisi ummid par zinda rahun ya ghuT ke mar jaun

wo kya kahte hain ai qasid wo kya irshad karte hain

'hafiz' apni tabiat par mujhe KHud rashk aata hai

mere ashaar par hazrat hamesha sad karte hain