chale the wo so rah-e-ishq ko dushwar kahte the

chale the vo so rāh-e-ishq ko dushvār kahte the

na ham ne ik sunī un kī hamāre yaar kahte the

vo kahte the hameñ tum se mohabbat hai mohabbat hai

aur aisā ik nahīñ dasyoñ hazāroñ baar kahte the

hamāre saikḌoñ dukh the aur us meñ ek dukh ye bhī

jo ham se ho ke guzre the hameñ dīvār kahte the

baḌe shahroñ kī jānib kuuch karnā be-vaqūfī hai

hamāre gaañv meñ kuchh log the hushiyār kahte the

ḳhudā ne bhī kahānī is tarah is saal kī likkhī

kahānī-kār ham ko baḳhsh de kirdār kahte the

bhale hī pyaar ho yā hijr ho yā phir siyāsat ho

kuchh aise dost the har baat par ash.ār kahte the

shifā maujūd thī us kī nazar meñ har maraz kī so

karishma-sāz ham ko dekh le bīmār kahte the

chale the wo so rah-e-ishq ko dushwar kahte the

na hum ne ek suni un ki hamare yar kahte the

wo kahte the hamein tum se mohabbat hai mohabbat hai

aur aisa ek nahin dasyon hazaron bar kahte the

hamare saikDon dukh the aur us mein ek dukh ye bhi

jo hum se ho ke guzre the hamein diwar kahte the

baDe shahron ki jaanib kuch karna be-waqufi hai

hamare ganw mein kuchh log the hushiyar kahte the

KHuda ne bhi kahani is tarah is sal ki likkhi

kahani-kar hum ko baKHsh de kirdar kahte the

bhale hi pyar ho ya hijr ho ya phir siyasat ho

kuchh aise dost the har baat par ashaar kahte the

shifa maujud thi us ki nazar mein har maraz ki so

karishma-saz hum ko dekh le bimar kahte the