chalo aaj ye kaam kar ke bhi dekhen

chalo aaj ye kaam kar ke bhī dekheñ

hisār-e-badan se nikal ke bhī dekheñ

koī yaad dil par sihar kar rahī hai

pukāreñ use us se bach ke bhī dekheñ

sitāre ḳhamoshī lapeTe khaḌe haiñ

zarā un se kuchh baat kar ke bhī dekheñ

kahīñ dhuup aur na kahīñ koī saaya

ghane jangaloñ se nikal ke bhī dekheñ

vo patthar jo kone meñ sahmā paḌā hai

use ham chhueñ aur Dar ke bhī dekheñ

kabhī ik qadam us ke kūche se nikleñ

kabhī do qadam aage baḌh ke bhī dekheñ

na jaane yahāñ kaun kis se baḌā hai

ye do chaar ziine utar ke bhī dekheñ

pahāḌī pe chaḌhnā to mushkil thā yaaro

pahāḌī se nīche phisal ke bhī dekheñ

ye kahtī hai duniyā zamāna hai zālim

zamāne pe ik paaoñ dhar ke bhī dekheñ

vahī ek motī vahī ek motī

samundar kī tah meñ utar ke bhī dekheñ

tirī rahguzar kab se suunī paḌī hai

gireñ us pe aur phir sañbhal ke bhī dekheñ

ajab kyā sabā koī paiġhām laa.e

gharoñ meñ ḳhud apne sañvar ke bhī dekheñ

huī ḳhaak jal kar mirī be-navā.ī

vahī ḳhaak āñkhoñ meñ bhar ke bhī dekheñ

chalo aaj ye kaam kar ke bhi dekhen

hisar-e-badan se nikal ke bhi dekhen

koi yaad dil par sihar kar rahi hai

pukaren use us se bach ke bhi dekhen

sitare KHamoshi lapeTe khaDe hain

zara un se kuchh baat kar ke bhi dekhen

kahin dhup aur na kahin koi saya

ghane jangalon se nikal ke bhi dekhen

wo patthar jo kone mein sahma paDa hai

use hum chhuen aur Dar ke bhi dekhen

kabhi ek qadam us ke kuche se niklen

kabhi do qadam aage baDh ke bhi dekhen

na jaane yahan kaun kis se baDa hai

ye do chaar zine utar ke bhi dekhen

pahaDi pe chaDhna to mushkil tha yaro

pahaDi se niche phisal ke bhi dekhen

ye kahti hai duniya zamana hai zalim

zamane pe ek paon dhar ke bhi dekhen

wahi ek moti wahi ek moti

samundar ki tah mein utar ke bhi dekhen

teri rahguzar kab se suni paDi hai

giren us pe aur phir sanbhal ke bhi dekhen

ajab kya saba koi paigham lae

gharon mein KHud apne sanwar ke bhi dekhen

hui KHak jal kar meri be-nawai

wahi KHak aankhon mein bhar ke bhi dekhen