chalo ab waqt ko bhi waqt de kar dekh lete hain

chalo ab vaqt ko bhī vaqt de kar dekh lete haiñ

kahāñ par kaun hai kis kā ye ḳhūgar dekh lete haiñ

hameñ āñkhoñ hī āñkhoñ se abhī kuchh baat karnī hai

zarā sā rok kar in meñ samundar dekh lete haiñ

duā.eñ apne hisse kī sabhī to maañg liiñ ham ne

bachī haiñ kis ke hisse kī ye andar dekh lete haiñ

yahāñ apne hī hisse kī jo ḳhushiyāñ bāñTne aaya

hai itnā kaun duniyā meñ tavangar dekh lete haiñ

kisī se bhī mohabbat kyoñ use ab ho nahīñ saktī

zamīñ dil kī kahāñ tak hai ye banjar dekh lete haiñ

zamīñ aur āsmāñ ko ham zarā khangāl kar phir se

kahāñ par raqs kartā hai qalandar dekh lete haiñ

raqīboñ aur yāroñ ko yahāñ 'nāsir' bulā kar ham

hai kis kī āstīñ meñ aaj ḳhanjar dekh lete haiñ

chalo ab waqt ko bhi waqt de kar dekh lete hain

kahan par kaun hai kis ka ye KHugar dekh lete hain

hamein aankhon hi aankhon se abhi kuchh baat karni hai

zara sa rok kar in mein samundar dekh lete hain

duaen apne hisse ki sabhi to mang lin hum ne

bachi hain kis ke hisse ki ye andar dekh lete hain

yahan apne hi hisse ki jo KHushiyan banTne aaya

hai itna kaun duniya mein tawangar dekh lete hain

kisi se bhi mohabbat kyon use ab ho nahin sakti

zamin dil ki kahan tak hai ye banjar dekh lete hain

zamin aur aasman ko hum zara khangal kar phir se

kahan par raqs karta hai qalandar dekh lete hain

raqibon aur yaron ko yahan 'nasir' bula kar hum

hai kis ki aastin mein aaj KHanjar dekh lete hain