chalo lahja mera maKHmal nahin hai

chalo lahja mirā maḳhmal nahīñ hai

magar sochoñ meñ to daldal nahīñ hai

kahīñ dariyā uphante jā rahe haiñ

kahīñ saa.e ko bhī bādal nahīñ hai

haiñ jhagḌe bhī marāsim hī kā hissa

ta'alluq toḌ denā hal nahīñ hai

muhāfiz sach ke kuchle jā rahe haiñ

kisī māthe pe lekin bal nahīñ hai

use bhī 'ilm thā is kā ba-ḳhūbī

ki mere saath us kā kal nahīñ hai

hai sar kā taaj ḳhuddārī hamārī

kisī ke paañv kī pāyal nahīñ hai

paḌī haiñ be-kafan saḌkoñ pe lāsheñ

kahīñ kuchh bhī magar halchal nahīñ hai

sajā rakkhe haiñ sab ne ḳhvāb kal ke

magar bas meñ kisī ke kal nahīñ hai

kahīñ jangal meñ mangal ho rahā hai

kahīñ kuchh bhī kushal mangal nahīñ hai

chalo lahja mera maKHmal nahin hai

magar sochon mein to daldal nahin hai

kahin dariya uphante ja rahe hain

kahin sae ko bhi baadal nahin hai

hain jhagDe bhi marasim hi ka hissa

ta'alluq toD dena hal nahin hai

muhafiz sach ke kuchle ja rahe hain

kisi mathe pe lekin bal nahin hai

use bhi 'ilm tha is ka ba-KHubi

ki mere sath us ka kal nahin hai

hai sar ka taj KHuddari hamari

kisi ke panw ki payal nahin hai

paDi hain be-kafan saDkon pe lashen

kahin kuchh bhi magar halchal nahin hai

saja rakkhe hain sab ne KHwab kal ke

magar bas mein kisi ke kal nahin hai

kahin jangal mein mangal ho raha hai

kahin kuchh bhi kushal mangal nahin hai